Steðgaður á flogvøllinum - hevði hassj innvortis

Ein maður var steðgaður á flogvøllinum í Vágum, tá hann kom hagar úr Danmark um tíggju-tíðina í gjárkvøldið.

Tollararnir høvdu illgruna um, at hann hevði rúsevni innvortis.

Maðurin var skannaður á Landssjúkrahúsinum. Tað vísti seg, at illgrunin hjá tollvaldinum var rættur.

Maðurin hevði hassj innvortis.

Politiið vil ikki upplýsa, hvussu nógv, talan er um. Heldur ikki, hvussu gamal maðurin er. 

Hann er ikki føroyingur.

Nú verður kannað, um ákæruvaldið skal biðja Føroya rætt um varðshaldsfongsling ella um straksdóm.