Ein ógreið tjóðarsemja

Nýtt samband, loysing ella ein øðrvísi felagsskapur.

Flokkarnir eru ymiskir á máli um, hvussu ein tjóðarsemja skal umrøðast. Men kortini eru fimm av seks flokkum samdir um, at hon eigur at fremjast.

Tað tóku flokkarnir undir við í fjør heyst.

Men einki er komið niður á pappír, og júst hvat semjan hevur við sær, er framvegis ógreitt.

Sambandsflokkurin er einasti flokkur, sum ikki tekur undir við eini tjóðarsemju.