- Tíðindi, mentan og ítróttur
Sýriski forsætisráðharrin koyrdur frá
<p>Sýriski forsætisráðharrin, Riyad Hijab, er koyrdur frá, sigur almenna sýriska sjónvarpið.</p><div>Hijab, sum var landbúnaðarmálaráðharri, tók við sum forsætisráðharri eftir tjóðartingsvalið fyri tveimum mánaðum síðani, sum skuldi rudda slóð fyri politiskum nýskipanum. </div><div><br></div><div>Enn er ongin almenn fráboðan komin um, hví forsætisráðharrin er frákoyrdur, men ein ónevnd jordansk kelda hevur sagt fyri Reuters, at Riyad Hijb er flýddur til Jordan. </div><div><br></div><div>Eisini sýriskar andstøðukeldur siga, at ráðharrin er lopin frá, og at hann er farin í part við andstøðuni. </div><div><br></div><div>Tíðindastovurnar skriva, at Omar Ibrahim Ghalawanji er tilnevndur at standa á odda fyri eini fyribils starvsstjórn.</div><div><br></div><div>Hijab er ikki tann fyrsti sýrialendingurin, sum er lopin frá. Sambært altjóða miðlum eru tríggir fregnartænastuuyvirmenn eisini flýddi til Jordan seinastu dagarnar. </div>
