Finaludebutantur fór avstað við borðtennisgullinum

Elsa Kathrina Gisladóttir úr Tór gjørdi spádómunum til skammar, tá hon vann føroyameistaraheitið í einstaklingakappingini í borðtennnis leygardagin.

Blaðungi spælarin úr Havn var í síni fyrstu finalunu, og mótstøðukvinnan var Britt Michelsen, sum millum annað vann FM-heitið í fjør.

Vantandi royndirnar sóust ikki við borðið kortini, har láma Elsa Kathrina Gisladóttir vísti sannførandi spæl frá byrjan, og vann við fýra settum ímóti tveimum.

KONTRAST FM: Sí alla sendingina her

Albert ov sterkur fyri Ára

Albert Weihe Wolfsberg lat ongan iva vera um, at hann framvegis er Føroya besti borðtennisleikari hjá monnum. 

Finalan var endurtøka frá í fjør, og hóast Ári Fríðason Jensen hesa ferð gav munandi meira mótstøðu, var tað kortini ikki nóg mikið at koppa Alberti Weihe Wolfsberg, sum vann sítt fimta FM-heitið á rað. 

Einmansleikur, menn

1. Albert Weihe Wolfsberg (Hillerød GI)
2. Ári Fríðason Jensen (Tór)
3. Rasmus Teitsson í Skorini (Tór) og Vagnur Kjærbech Nolsøe (TBF)
 

Einmansleikur, kvinnur

1. Elsa Kathrina Gisladóttir (Tór)
2. Britt Michelsen (TBF)
3. Anja Wongwai (TBF) og Hadassa Schwartson Christiansen (Tór)