Miriam og Rúni framvegis einaráðandi

Miriam í Grótinum og Rúni Øster prógvaðu, at tey eru bestu badmintonspælarar í Føroyum, tá tey vunnu einstaklingafinalurnar í badminton, sum vóru til Kontrast FM á Hálsi í Havn.

Miriam í Grótinum hevur nú vunnið allar finalurnar síðan 2022 - fimm í tali - meðan Rúni Øster vann sóna triðju finalu upp í slag.

Mia Thorkildshøj hevði vunnið í tvíburðasystrini Sannu í hálvfinaluni, men hevði ilt við at bjóða Miriam í Grótinum av hóast glottar vóru at hóma viðhvørt. Til tað var Miriam í Grótinum ov sterk og vælspælandi á degnum og vann 2-0.

Christian Berg Petersen skuldi eins og seinasta ár royna seg ímóti Rúna Øster, men úrslitið gjørdist lítið øðrvísi. Føroyameistarin var sera væl upplagdur, og avbjóðarin hevði ikki nóg mikið at svara aftur við, og tapti stórt í báðum settunum.

Rúni Øster og MIriam í Grótinum vunnu eisini blandaðan tvímansleik á Miu Thorkildshøj og Asbjørn H. Olsen og hvør sína finalu í tvímansleiki við ávíkavist kvinnum og monnum.

Miriam í Grótinum vann saman við Birnu Jacobsen á Miu og Sannu Thorkildshøj í einum spennandi trísettara, meðan Rúni Øster og Magnus Dal-Christiansen knógvaðu Jónas Djurhuus og Árant á Mýrini.