- Tíðindi, mentan og ítróttur
Fáa peningin aftur við fleiri ferðafólkum
<div>Tað kostar Vága Floghavn millum 60.000 og 80.000 krónur, so ferðafólk kunnu ferðast bíligari við Atlantsflogi í november.</div><div><br></div><div>Men leiðslan á flogvøllinum væntar at fáa peningin innaftur við fleiri ferðafólkum, sum nýta tænasturnar á flogvøllinum.</div><div><br></div><div>Jákup Sverri Kass, stjóri í Vága Floghavn, sigur, at flogvøllurin vil vera við til at menna nýggjar farleiðir millum Føroyar og útheimin. </div><div><br></div><div>Í hesum sambandi hevur Atlantsflog fingið avsláttur í avgjaldinum, sum flogfelagið rindar flogvøllinum, til nýggju rutuna millum Vágar og Barcelona. Og Atlantsflog hevur eisini fingið avsláttur í avgjaldinum í sambandi við eitt ferðaseðlaátak frá síðst í oktober til fyrst í desember.</div><div><br></div><div>Avsláttarskipanin kostar Vága Floghavn millum 60.000 og 80.000 krónur, men flogvøllurin væntar at fáa peningin innaftur við størri inntøkum frá tollfríari sølu, kafeteria og parkering. </div><div><br></div><div>Roknað verður við, at eini 1000-1200 fleiri ferðafólk koma og fara um flogvøllin í november. Hetta verður gjørt, til tess at stimbra eftirspurningin eftir ferðaseðlum í tíðarskeiðum, tá minni ferðing vanliga er.</div><div><br></div><div>Jákup Sverri Kass sigur, at onnur flogfeløg, sum ætla sær at flúgva til Føroya, fáa somu avsláttarsømdir sum Atlantsflog.</div><div><br></div><div><br></div><div><br></div>
