- Tíðindi, mentan og ítróttur
Mitt Romney sleppur undan skatti
<div>Vinnur republikanska forsetavalevnið, Mitt Romney, og varaforsetavalevni hansara, Paul Ryan, forsetavalið, so sleppur Mitt Romney sjálvur lættari í skatti.</div><div><br></div><div>Eitt uppskot, sum Paul Ruyan hevur gjørt, gevur nýggja forsetanum nógvar fyrimunir, skriva amerikanskir miðlar. Vinna republikanararnir valið, skal Romney eftir uppskotinum bert rinda 0,82 prosent í skatti. Romney fær 21 millónir dollarar í kapitalinntøku um árið.</div><div><br></div><div>Mitt Romney kunngjørdi leygardagin, at Paul Ryan verður varaforsetavalevni, og hann hevur sitið í umboðsmannatinginum í 16 ár, umboðandi landspartin Wisconsin.</div><div><br></div><div>Paul Ryan hevur sína hugsan um amerikanska fíggjarpolitikkin, og hann sigur seg fara at virka fyri ógvusligum sparingum.</div><div><br></div><div>Amerikanskir miðlar siga Paul Ryan vera ein fólksligan politikara, sum kann fáa fólk at skilja fíggjarpolitikkin. Hann er høgt í metum millum fólk, og er ein av høvuðsmonnunum aftan fyri fíggjarpolitikkin, sum republikanski flokkurin ætlar at reka, um hann vinnur forsetavalið.</div><div><br></div>
