- Tíðindi, mentan og ítróttur
Tey flestu vilja hava Stoltenberg
<div>Hóast fleiri norskir miðlar og politikarar hava kravt, at Jens Stoltenberg, forsætisráðharri, leggur frá sær, eftir frágreiðingina um yvirgangsálopið 22. juli í fjør, so styðja norsku veljararnir framvegis Stoltenberg.</div><div><br></div><div>Norska tíðindastovan, NTB, skrivar, at tríggjar kanningar vísa, at meirilutin av norska fólkinum vil hava Stoltenberg at vera sitandi sum forsætisráðharri. Blaðið VG, sum í oddagrein mælti Stoltenberg at leggja frá sær, hevur gjørt eina av kanningunum.</div><div><br></div><div>Og úrslitið er greitt: 52 prosent av teimum spurdu styðja Stoltenberg, meðan 31 prosent siga at hann eigur at leggja frá sær.</div><div><br></div><div><b>NRK-kanning størri meiriluta</b></div><div><br></div><div>Í eini kanning, sum norska kringvarpið hevur gjørt, fær forsætisráðharrin stuðul frá 72 prosentum av fólkinum, meðan 21 prosent vilja hava hann frá.</div><div><br></div><div>Ein valgranskari sigur, at úrslitið vísir, at tey, sum ætla at atkvøða fyri Stoltenberg, framvegis fara at gera tað, meðan tey, sum ætla at velja borgarligu flokkarnar, framvegis gera tað. So talan er ikki um nakra broyting í norskum politikki, sigur valgranskarin, Frank Aarebrot.</div><div><br></div><div>Jens Stoltenberg sigur við NRK, at undirtøkan er tekin um, at fólk taka undir við tí arbeiði, sum nú skal gerast, fyri at gera Noreg eitt tryggari land at liva í.</div><div><br></div>
