- Tíðindi, mentan og ítróttur
Fíggjarlógin avger framtíðina hjá sendistovum
<div>Fíggjarlógararbeiðið í heyst verður avgerandi fyri framtíðina hjá føroysku sendistovnunum.</div><div><br></div><div>Tað tykist vera greitt eftir samráðið í Uttanlandsnevndini fríggjadagin, hagar løgmaður varð boðsendur at svara spurningum um føroysku sendistovunar. Uttanlandsnevndin spurdi, hvat endamálið er við sendistovuni í Keypmannahavn. Og hvør avleiðingin hevði verið, um tann sendistovan varð løgd niður.</div><div><br></div><div>Umframt endamálið við sendistovuni í Keypmannahavn spurdi Uttanlandsnevndin løgmann um føroyskar sendistovur í fjareystri og Russlandi, og um hann ætlar at endurskoða ella útseta avgerðina um sendistovuna í London. </div><div><br></div><div><b>Uppraðfesta uttanríkistænastuna</b></div><div><br></div><div>Uttanlandsnevndin upplýsir ikki, hvat verður sagt í samráðum við landsstýrisfólk. Men sum skilst fer fíggjarlógarviðgerðin í heyst at avgera framtíðina hjá føroysku sendistovunum, tað er um uttanríkistænastan verður uppraðfest. </div><div><br></div><div>Uppskotið hjá landsstýrinum um fíggjarlógina fyri 2013 skal vera liðugt um ein góðan mánað, fyri tann 1.oktober. </div><div><br></div><div>Sparing var orsøkin til, at løgmaður avgjørdi at lata sendistovuna í London aftur og flyta virksemið har til Brússel.</div><div><br></div><div> </div><div><br></div>
