- Tíðindi, mentan og ítróttur
Druknivanlukka á Tvøroyri: Fingu lív í mann aftur
<div>Tað var klokkan 16:20 seinnapartin í dag, at løgreglan fekk eina fráboðan um, at ein bilur var farin á sjógv tætt við Faroe Pelagic, sum nýggja uppisjóvarvirkið á Tvøroyri eitur.</div><div><br></div><div>Lukkutíð vóru fólk til arbeiðis á uppisjóvarvirkinum, tá bilurin við manninum fór á sjógv seinnapartin. Skjótt var borið at, bátur varð flotaður og fólk fingu bjargað manninum úr sjónum aftur.</div><div><br></div><div>Tá maðurin kom á Tvøroyrar Sjúkrahús var hann lívleysur. Tað eydnaðist at fáa lív í aftur mannin, sum var lívleysur í umleið eitt korter, sigur vakthavandi á Politistøðini í Havn.</div><div><br></div><div><br><b>Fluttur á Landssjúkrahúsið</b></div><div><br></div><div>54-ára gamli maðurin, sum var í Suðuroy í arbeiðsørindum, varð í kvøld fluttur á Landssjúkrahúsið í Havn við Smyrli, sigur vakthavandi á Politistøðini í Havn.</div><div><br></div><div>Í løtuni er ógreitt, hvussu støðan hjá manninum er, eftir druknivanlukkuna á Tvøroyri seinnapartin. Maðurin varð í kvøld innlagdur á intensivu deild á Landssjúkrahúsinum, tá hann kom til Havnar.</div><div><br></div><div>Eins og vanligt er, tá álvarsligar vanlukkur henda, so fer løgreglan nú undir nærri kanningar, so greiða fæst á, hví bilurin fór á sjógv á Tvøroyri seinnapartin, sigur Rani Wardum, vakthavandi á Politistøðini í Havn.</div>
