- Tíðindi, mentan og ítróttur
Heilsumálaráðið eigur lendið við Landssjúkrahúsið
<div>Heilsumálaráðið sleppur at eiga 10.300 fermetrar, sum vórðu ognartiknir í 1964. Lendið er við Landssjúkrahúsið. Tað hevur Eystari landsrættur staðfest. </div><div><br></div><div>Sjey fólk vildu hava Heilsumálaráðið at selja teimum ognartikna lendið aftur fyri sama prís, sum landið læt fyri lendið í 1964, 16 krónur fyri fermeturin. Lendið er ikki brúkt til ta bygging, sum var endamálið við ognartøkuni. Landsrætturin sigur, at sakarkravið er fyrnað. </div><div><br></div><div>Ognartøkan varð framd sambært lóg frá 1960 um ognartøku til statshospital í Havn. Ætlanin var at brúka ognartikna lendið til at byggja læknabústaðir á. Tey sjey fólkini, sum stevndu Heilsumálaráðnum, fingu heldur ikki viðhald í Føroya rætti. </div><div><br></div><div><b>200.000 kr. í sakarkostnaði</b></div><div><br></div><div>Sambært dóminum hjá Landsrættinum, sum varð sagdur fríggjadagin, skulu fólkini, sum stevndu, rinda Heilsumálaráðnum 200.000 kr. í sakarkostnaði. Málið hevur áður verið heilt uppi í Hægstarætti og vent. Tað var i 1969. Tá varð stevnt viðvíkjandi støddini á endurgjaldindum, sum landið læt fyri ognartikna lendið. </div><div><br></div><div>Spurningurin, um ognartøkan var lóglig, varð ikki viðgjørdur tá. </div><div><br></div>
