Merkta grindin er nú á Sandoyarbanka

Grindin hevur svomið millum oyggjarnar, síðani hon varð merkt við sendarum, og teir senda enn

Grindin, sum er merkt við sendarum, hevur svomið millum oyggjarnar seinastu dagarnar, og nú er á Sandoyarbanka.

09.10.2012 - 09:59

<div>Grindin, sum var merkt við sendarum seinasta týsdag, hevur síðani í gjár hildið kós í ein landsynning, og hon er nú komin út móti Sandoyarbanka, áleið 50 fjórðingar úr landi.</div><div><br></div><div>Grindin hevur ferðast millum oyggjarnar, síðani hon varð merkt. Fyrstu dagarnar var hon í Sundalagnum, har hon støðaðist í tveir dagar. Sunnunáttina var grindin  á Skálafjørðinum. Tá hon kom út móti Saltnesgrynnuni, steðgaði hon á. </div><div><br></div><div>Tá varð avrátt at royna at reka hana út av fjørðinum. Tað eydnaðist, og síðani varð grind rikin nakað eystur um Nólsoynna. Allir seks sendararnir á hvalunum senda enn, sum teir skulu. Náttúrugripasavnið hevur staðfest, at tað enn er sami upprunabólkur, ið telur áleið 30 hval.</div><div><br></div>