Fáa framvegis nógvan makrel

Skipini royna í landnyrðing úr Fugloynni, og okkurt skip hevur fingið meiri enn 100 tons um samdøgrið

Makrelskipini royna í landnyrðing úr Fugloynni, og tað er framvegis nógv at fáa.

22.10.2012 - 17:00

<div>Tað gongur framvegis væl hjá føroysku skipunum í makrelfiskiskapinum. Tey royna  millum 60 og 100 fjórðingar í ein landnyrðing úr Fugloynni, og fiskiskapurin er góður, upplýsir Fiskiveiðieftirlitið.</div><div><br></div><div>Okkurt skip hevur fingið oman fyri 100 tons um samdøgrið, og veiðan er reinur makrelur - tað er, at stórt sæð einki annað fiskaslag er blandað upp í fongin.</div><div><br></div><div>Í morgun var samlaða føroyska makrelveiðan í ár komin upp í 104.000 tons, sigur Fiskiveiðieftirlitið. Tróndur í Gøtu er komin á Tvøroyri við 650 tonsum av makreli.</div><div><br></div>