SAS kann fara av knóranum í nátt ella í morgin

Samráðingar hava verið alt vikuskiftið millum SAS-leiðsluna og starvsfólkini, men einki røkist fyri nakrari loysn áðrenn freistina í kvøld.

18.11.2012 - 20:42

<div><i><b>Seinasta nýggja: </b>Danskt TV2 boðar í kvøld frá at bankarnir hava loyvt SAS at flúgva morguntúrarnar mánamorgunin, fyri at leiðslan í SAS kann fáa eitt sindur betri tíð at finna eina loysn. Samstundis skrivar Sveriges Radio at tað er ivasamt um upplýsningarnir hjá danska TV2 passa. Danmarks Radio skrivar at leiðslan metir at møguleiki at SAS verður bjarga er helvt-um-helvt.</i></div><div><i>Á heimasíðuni hjá millum annað Oslo flyplass Gardermoen sær man nú at fleiri av fyrstu flogferðunum hjá SAS frá Gardermoen mánamorgunin eru avlýstar ella útsettar.</i></div><div>---</div>Ráðaleyst og uttan arbeiðshug. Hetta eru afturmeldingarnar um starvsfólkini hjá SAS sum koma frá fólkið sum hava flogið við SAS í dag.<div><br></div><div>SAS-starvsfólkini tykjast ráðaleys tí tey einki hoyra frá samráðingunum, samstundis sum tey ikki vita um tey hava eitt arbeiðspláss at fara til í morgin.</div><div><br></div><div>Seinasta freist at finna eina loysn millum leiðslu og starvsfólk er sett til á miðnátt í kvøld. Tá skal leiåslan hava at vita um starvsfólkini góðtaka stóran lønarniðurskurð, samstundis sum tey skulu arbeiða fleiri tímar fyri lægri løn.</div><div><br></div><div><b>Samráðast enn</b></div><div>Einki neyvt er komið frá samráðingunum, men í løtuni skal leiðslan í SAS sita á fundi saman við bankunum fyri at greiða frá hvat sum leiðslan hevur fingið burturúr samráðingunum.</div><div><br></div><div>Starvsfólkini hjá SAS hava fingið boð um at hava tøkan pening við sær í dag til arbeiðis. Samstundis eru boð send út um at flogførini skulu fyllast við brennievni, so tey kunnu flúgva heim til Noreg, Danmark ella Svøríki, um so er at felagið steðgar upp í nátt.</div><div><br></div><div>Møguligt er at fylgja gongdini hjá SAS beinleiðis hjá fleiri norðurlendskum miðlum. Trýst á leinkjurnar her:</div><div><a target="_blank" href="http://www.nrk.no/nyheter/norge/1.8400899">NRK</a></div><div><a target="_blank" href="http://www.svt.se/nyheter/sverige/sas-minut-for-minut">SvT</a></div><div><a target="_blank" href="http://www.dr.dk/Nyheder/Penge/2012/11/18/1118081021.htm">Danmarks Radio</a></div><div><br></div>