- Tíðindi, mentan og ítróttur
Mannarættindini í Føroyum á ST-borð í dag
<div>Rættindum, sum Føroyar longu í 1972 bundu seg til at hava. Føroyar, Danmark og Grønland fara í dag til hoyringar um semingina um búskaparlig, sosial og mentanarlig rættindi, stytt CESCR sáttmálin, sum ST aðalfundurin samtykti í 1966. </div><div><br></div><div>Í sáttmálanum binda londini seg til at tryggja fólki rættindi til arbeiði, heilsu, útbúgving og nøktandi liviumstøður. Sáttmálin kom í gildi í Føroyum í 1972.</div><div><br></div><div>Hoyringin í dag verður í Geneve. Hoyringin byggir á frágreiðing, sum Danmark saman við Føroyum og Grønlandi læt ST í 2009.</div><div><br></div><div><b>Niðurstøðan almenn</b></div><div>Embætisfólk á Løgmansskrivstovuni og í Almannamálaráðnum eru farin til Geneve at svara fyri Føroyar í hoyringini. Mannarættindasáttmálarnir hjá ST áleggja londunum nakrar skyldur, sum skulu tryggja mannarættindini.</div><div><br></div><div>Londini skulu fjórða hvørt ár lata inn frágreiðing, sum skal lýsa, hvussu landið fylgir ásetingunum í sáttmálunum. Í seinasta lagi fýra ár eftir, at frágreiðingin er latin, skipar ST fyri eini hoyring. Ein ST serfrøðinganevnd stendur fyri hoyringini. </div><div><br></div><div>Nevndin tekur síðani samanum og kemur, um tað er neyðugt, við tilmælum um, hvussu landið betur kann fylgja ásetingunum í sáttmálanum. Niðurstøðurnar hjá serfrøðinganevndini verða almennar tá nevndin hevur tosa nærri um tær.</div><div><br></div>
