- Tíðindi, mentan og ítróttur
Sjakalurin kærir dóm
<div>Sjakalurin, sum einaferð varð tiltikin hernaðarligur marxistur, hevur kært lívlanga fongulsdómin, sum hann fekk fyri eina bumbuatókn fyri 30 árum síðani. Atsóknin kravdi 11 mannalív.</div><div><br></div><div>63 ára gamli, Ilich Ramirez Sanchez, hevur sitið í fongsli í Fraklandi í nærum 20 ár fyri ein annan dóm, sum hann fekk í 1975 fyri millum annað at hava dripið tvey løgreglufólk.</div><div><br></div><div>Í 2011 varð hann dømdur lívlangt fongsul fyri fýra bumbuatsóknir í Fraklandi í 1982 og 1983. 11 fólk doyðu, og útivið 200 vórðu særd. Hoyringin um kærumálið varð útsett, tí Ramirez Sanchez kravdi at fáa aðrar advokatar. </div><div><br></div><div><br></div><div><b>Dømdur fyri dráp</b></div><div>Ramirez hevur hildið uppá, at hann er ósekur, og at hann hevði einki við bumbuatsóknirnar í París at gera.</div><div><br></div><div>Sjakalurin varð tikin í Sudan í 1994 og útflýggjaður Fraklandi. Í 1997 varð hann dømdur lívlanga fongsulsrevsing fyri at hava dripið tvey løgreglufólk og ein palestinskan mann, sum hevði samstarv við løgregluna. </div><div><br></div>