14 fólk deyð í Egyptalandi

Obama, forseti, er stúrin um støðuna eftir hernaðarkvettið. Bæði USA og ES krevja nýval sum skjótast

Andstøðan fegnast um, at herurin hevur tikið valdið í Egyptalandi, men samanbrestir síðani kvettið hava kravt íu minsta lagi 14 mannalív.

Johnsigurd Johannesen

04.07.2013 - 11:15

<p>Í minsta lagi 14 fólk hava latið lív í samanbrestum millum viðhaldsfólk hjá frákoyrda egyptiska forsetanum, Mohamed Mursi, og trygdardeildir og mótstøðufólk hjá fyrrverandi forsetanum.</p><div><br></div><div>Samanbrestirnir vóru stutt eftir, at herurin hevði koyrt Mursi frá í gjárkvøldið. </div><div><br></div><div>Almenna egyptiska tíðindastovan, Mena, sigur, at í minsta lagi trý fólk eru deyð í næststørsta býnum í Egyptalandi, Alexandria, og í minsta lagi hálvt hundrað fólk eru særd,.</div><div><br></div><div><b>Obama er stúrin</b></div><div><br></div><div>Amerikanski forsetin, Barack Obama, er stúrin um politisku gongdina í Egyptalandi, nú fyrsti demokratiskt valdi leiðarin í landinum, Mohamed Mursi, er koyrdur frá.</div><div><br></div><div>Hann mælir til, at val verður í Egyptlandi sum skjótast, og hann umhugsar eisini, um hernaðarkvettið skal fáa avleiðingar fyri búskaparligu hjálpina, sum USA letur Egyptalandi. Reuters sigur, at USA letur Egyptalandi hálva aðru milliard dollarar í búskaparhjálp um árið.</div><div><br></div><div><b>ES vil eisini hava val</b></div><div><br></div><div>ES fordømir somuleiðis harðskapin í Egyptalandi og krevur, at forsetaval verður alt fyri eitt.</div><div><br></div><div>- Eg mæli øllum pørtum til sum skjótast at taka demokratisku tilgongdina uppaftur, at skipa fyri forseta- og tjóðartingsvali, og góðkenna eina nýggja grundlóg, sigur uttanríkispolitiski leiðarin í ES, Catherine Ashton. </div><div><br></div><div><b>Mælir frá óneyðugum ferðum</b></div><div><br></div><div>Spenta støðan í Egyptalandi hevur við sær, at danska uttanríkisráðið mælir frá øll óneyðugum ferðum til býir við Nilánna og Suez-veitina, eisini Kairo, Alexandria, Suez og Port Said.</div><div><br></div><div>Uttanríkisráðið heldur tað tó verða ráðiligt hjá ferðafólki at fara til leiðirnar við Reyðahavið og Aqaba-víkina, og tað er eisini raðiligt at skifta flogfar í floghavnini í Kairo. </div><div><br></div><div><br></div><div><br></div><div><br></div><div><br></div><div><br></div><div><br></div><div><br></div>