- Tíðindi, mentan og ítróttur
Egyptaland: Nýggjur forseti tikin í eið
<p>Formaðurin fyri egyptiska grundlógardómstólin, Adli Mansur, er tikin í eið sum fyribils forseti í landinum, upplýsir almenna egyptiska tíðindastovan, Mena.</p><div><br></div><div>67 ára gamli dómarin skal røkja forsetaembætið í eini skiftistíð, eftir at herurin í gjárkvøldið koyrdi fólkavalda forsetan, Mohamed Mursi, frá.</div><div><br></div><div>Mansur er lítið kendur alment í Egyptalandi, men hann hevur starvast við grundlógardómstólin síðani 1992. </div><div><br></div><div>Herleiðslan hevur boðað frá, at seinni verða bæði forsetaval og tjóðartingsval.</div><div><br></div><div>Mursi, sum hoyrir til Muslima Brøðralagið, vann fyrsta, frælsa forsetavalið í Egyptalandi í fjør, eftir at fólkið gjørdi uppreistur móti Hosni Mubarak, forseta, sum legði frá sær. </div><div><br></div>
