MBM vil hava undantak at selja mjólkarúrdrátt til Íslands

Føroyskur landbúnaður er ikki góðkendur í ES, og tað forðar føroyskum vørum at sleppa á íslendska marknaðin

Tað er ikki sum at siga tað hjá MBM at sleppa á íslendska marknaðin við mjólkarúrdráttum, tí føroyskur lanbúnaður er ikki ES-góðkendur.

Sveinur Tróndarson

07.04.2026 - 13:39

Stjórin í MBM, Tony Weyhe, hevur eitt greitt ynski til nýggju landsstýrissamgonguna:

Fáið nú gjørt eitt undantak frá landbúnaðarpakkanum hjá ES í avtaluni við Ísland, so til dømis føroyskir mjólkarúrdráttir eisini kunnu seljast í Íslandi.

Áhugi er í Íslandi fyri føroyskum vørum, og av tí at talan er um marknað, sum er fleiri ferðir størri enn okkara, hevur tað stóran týdning fyri til dømis MBM, sigur Tony Weyhe.

Tony Weyhe, Kollafjørður

Tony Weihe. (Mynd: Bjarni Árting Rubeksen)

Hóast føroyingar kunnu keypa øll møgulig sløg av íslendskum mjólkarúrdráttum og øðrum landbúnaðarvørum í handlum her heima, kunnu íslendingar ongar føroyskar mjólkaúrdráttir keypa í Íslandi.

Orsøkin liggur í Hoyvíkssáttmálanum, tí skulu føroyskar landbúnaðarvørur seljast í Íslandi, krevja íslendingar, at alt, sum verður selt har, skal vera ES-góðkent.

Men føroyskur landbúnaður er ikki ES-góðkendur, og tí forðar tað føroyskum vørum atgongd í Íslandi.

Hoyr innslag í útvarpstíðindunum:

MBM_og_Island