- Tíðindi, mentan og ítróttur
Nýggi forsetin vil eisini hava Brøðralagið við
<p>Samstundis sum trygdardeildir eru í ferð við at handtaka leiðarar í Muslimska Brøðralagnum í Egyptalandi, lovar nýggi fyribils forsetin í landinum sameining, har Brøðralagið eisini er við.</p><div><br></div><div>- Tað er ein partur av tjóðini, sigur Adly Mansour, forseti, sum varð tikin í eið fyrrapartin.</div><div><br></div><div>Hann er tilnevndur forseti í eini skiftistíð, til val hevur verið í Egyptalandi. Í gjárkvøldið koyrdi herurin fólkavalda forsetan, Mohamed Mursi, frá. Mursi hoyrir til Muslimska Brøðralagið.</div><div><br></div><div><b>Partur av fólkinum</b></div><div><br></div><div>- Muslimska Brøðralagið er ein partur av fólkinum, og tað er boðið við at byggja tjóðina uppaftur. Brøðralagið er væk komið at vera við, sigur nýggi forsetin við dagblaðið, Al-Ahram.</div><div><br></div><div>Sostatt tekur Mansour undir við bæði teimum liberalu og vinstrasinnaðu í andstøðuni, sum sambært tíðindastovuni Reuters hava ávarað nýggju leiðsluna í Egyptalandi at útihýsa islamskum flokkum og felagsskapum. </div>
