Fimm sáttmálar eftir at gera

Av teimum 32 sáttmálunum og avtalunum, sum landið hevur við fakfeløg, eru nú fimm sáttmálar eftir at endurnýggja í hesum umfari.

Tað er greitt, eftir at Kost- og Føðslufelagið og Fíggjarmálaráðið í gjár skrivaðu undir nýggjan sáttmála. Hann verður galdandi til 1. oktober 2015. Karmurin í sáttmálanum er tann sami sum hjá øðrum feløgum, ið hava sáttmála við landið.

Í gjár var eisini fundur millum Fíggjarmálaráðið og Kommunala Arbeiðsgevarafelagið, har millum annað varð tosað um, hvussu felags samráðingarnar við Føroya Pedagogfelag skulu skipast.