Í dag fáa føroyingar boð um upptøku uttanlands

Hvørt einasta ár fara nógvir føroyingar av landinum í útbúgviningarørindum. Og sambært tølum hjá Altjóða Skrivstovuni fara nógv teir flestu til Danmarkar.

Trupult at sleppa inn
Men tað er ikki bara sum at siga tað at sleppa inn á dreymaútbúgvingina í Danmark.

Sambært danska blaðnum Politiken er talan í ár um metnógvar umsøkjarar á fleiri útbúgvingum. Og tað merkir, at krøvini til upptøku eru herd.

Til dømis krevst eitt miðaltal á 11,9 fyri at sleppa at lesa International Business á CBS í Keypmannahavn.

Og ætlar tú at lesa sálarfrøði á universitetinum í Keypmannahavn krevst 11,2 í miðal.

Vilt tú verða lækni og lesa medisin krevst 11,1 í miðal á universitetinum í Keypmannahavn og 10,6 í Odense.