Formaðurin er hampiliga væl nøgdur við sáttmálan

- Eg eri hampiliga væl nøgdur.

Tað sigur Jan Højgaard, formaður í Føroya fiskimannafelag, nú trætan millum Fiskimannafelagið og Reiðarafelagið er av, og partarnir eru blivnir samdir um nýggjan sáttmála. Hann er galdandi til 1. apríl 2028. 

Semjan kom í lag í gjárkvøldið, eftir semingsroynd í KG Hotel í Klaksvík:

Tað var í apríl, at Reiðarafelagið fyri fiskiskip boðsendi Semingsstovninum at finna eina semju millum manningarfeløgini og Reiðarafelagið.

Feløgini vrakaðu semingsuppskot síðst í apríl.

Sáttmálarnir vóru langt síðani farnir úr gildi.