Løgreglan: Friðarlig ólavsøka

Hóast nógv fólk hevur verið í býnum, hevur løgreglan havt lítið at gera, upplýsir vakthavandi á politistøðini í Havn í morgun.

Talan hevur fyri tað mesta verið um at koyra avdottin og full fólk til hús, og løgreglan hevur ikki havt fyri neyðini at senda folk á støðina í Klaksvík at sova rúsin av sær.

Datt í trappu
Ein kvinna koma illa fyri, tá hon datt í trappuni á einum vertshúsi og mátti á skaðastovuna. Hon bløddi illa, men talan var kortini ikki um álvarsligan skaða.

Annars hava fólk skikkað sær avbera væl á ólavsøku, verður sagt av politistøðini í Havn.