Páll Guðlaugsson skal venja TB

Páll Guðlaugsson tekur við sum venjari eftir Hans Fróða Hansen, sum varð sagdur úr starvi fyri trimum vikum síðani. Somu lagnu fekk Páll Guðlaugsson í KÍ fyrr í ár.

Fyrrverandi landsliðsvenjari
Páll Guðlaugsson er 54 ár og ættaður úr Íslandi. Hann hevur drúgvar royndir sum fótbóltsvenjari. Umframt, at hann var landsliðsvenjari fyrstu árini, Føroyar royndu seg í altjóða fótbólti, hevur hann staðið á odda fyri ÍF, EB/Streymi, B36, GÍ, íslendska Keflavík og KÍ.

Vilja vera í bestu deildini
- Uppgávan er fyrst og fremst at tryggja TB framhaldandi umboðan í bestu deildini, sigur André Dalfoss, formaður í TB, við Suðurrás.

Páll  Guðlaugsson vandi fyri fyrstu ferð TB-liðið í gjárkvøldið, og fyrsti dysturin hjá TB undir hansara leiðslu verður nú sunnudagin, tá TB fær vitjan av ÍF við Stórá í Trongisvági.