Rúni og Elsa døma finalurnar

Dómararnir til steypafinalurnar hjá kvinnum og monnum eru settir. Tað verður Rúni Gaardbo, ið skal døma dystin millum Víking og EB/Streym í finaluni um Løgmanssteypið.

Rúni Gaardbo hevur, sambært heimasíðuni hjá Fótbóltssambandinum, dømt 275 dystir í vaksnamannadeildunum, og hevur verið hjálpardómari í 137 dystum.

Rúni Gaardbo hevur tó ikki dømt finalu um Løgmanssteypið fyrr. Hjálpardómarar hjá Rúna Gaardbo verða Johnleif Gerðisá og Dan Højgaard.

Steypafinaluna hjá kvinnum dømir Elsa Andreasen. Hjálpardómarar verða Leila S. Midjord og Heidi L. Elgeirsdóttir.

Báðar finalurnar verða spældar leygardagin 24. august. Finalan hjá kvinnunum byrjar klokkan 16.30 og finalan um Løgmanssteypið byrjar klokkan 19.45

Mynd: Rakul Hansen (www.hb.fo)