Útflutningurin góðar tríggjar milliardir kr.

Føroyski útflutningurin til 1.august í ár gav tíggju prosent meira enn í fjør.

Føroyar hava útflutt fyri góðar 3,1 mia. kr. Av tí eigur alivinnan 1,4 milliardir. Vøksturin har er 43 prosent. Tølini vísa, at prísurin fyri alilaks er nógv vaksin í ár, tí tonsini eru bara seks prosent fleiri í ár enn í fjør.

Útflutningurin av botnfiski, so sum toski, hýsu og upsa, minkar í virði, men ikki í nøgd. Virðið er 59 milliónir krónur minni í ár.