Blaðkvinna: Jenis er rætt endurgivin

Blaðkvinnan, sum hevur skrivað greinina um føroysk samkynd í blaðnum Information, vil ikki hava sitandi á sær, at hon hevur endurgivið Jenis av Rana av skeivt.

 - Eg haldi ikki, at eg havi endurgivið Jenis av Rana skeivt, sigur Anne-Marie Mohr Nielsen, sum hevur skrivað greinina.

Blaðkvinnan vísir á, at hon fekk 3-4 síður sendandi frá løgtingsmanninum, har hann gjørdi vart við sínar hugsanir. 

- Av tí at eg sjálvandi ikki kann endurgeva so nógv í eini stuttari blaðgrein, so samanskrivaði eg høvuðsboðskapirnar og sendi teir til Jenis av Rana til góðkenningar 10 oktober, tað vil siga fyri 14 døgum síðani. Hann svaraði ongantíð, og tí gekk eg út frá, at hann var samdur í mínari tulking av hansara boðskapi, sigur Anne-Marie Mohr Nielsen, blaðkvinna

LGBT Føroyar umhugsaði seinnapartin at melda Jenis av Rana fyri júst útsagnirnar í greinini í Information fyri brot á § 266b.