Sita fýra vikur aftrat

Varðhaldsfongslingin hjá 18 ára gamla manninum, sum er skuldsettur fyri drápsroynd í Norðdepli sunnumorgunin 14.juli, er úti í morgin.

Men hon verður longd fýra vikur uttan rættarfund, sigur verjin, Jógvan Páll Lassen.

Politiið kannar framvegis málið, bíðað verður millum annað eftir úrslitinum av nøkrum DNA-royndum.

Kannað er eisini, hvussu vandamiklar knívsstungurnar vóru.

Tey úrslitini eru ikki komin enn.

Mentalkanningin er júst liðug.

Hon skal sendast til Rættarlæknaráðið í Danmark til ummælis.

18 ára gamli maðurin, sum er skuldsettur fyri at hava stungið fýra fólk, hevur verið í varðhaldi síðani 14.juli, tá hann varð tikin og varðhaldsfongslaður í grundlógaravhoyring.

Varðhaldsfongslingin er síðani longd tríggjar ferðir.