Dátueftirlitið tekur ikki støðu til loynilurting

Dátueftirlitið tekur ikki støðu til loynilurting
Stjórin í Dátueftirliti, hvørs slagorð er "Dátueftirlitið verjir tínar persónsupplýsingar", heldur ikki, at nýggi avlurtingarpakkin er teirra borð
 
14.11.2013 - 16:00

“Dátueftirlitið verjir tínar persónsupplýsingar”.

Soleiðis ljóðar slagorðið á heimasíðuni hjá Dátueftirlitinum.

Aðrastaðni á heimasíðuni hevur Dátueftirltið eisini orða eina missión fyri stovnin:

“Dátueftirlitið er ein óheftur fyrisitingarmyndugleiki, sum vegleiðir og ráðgevur borgarum, myndugleikum og fyritøkum um persónsupplýsingarlógina og hevur eftirliti við, at persónsupplýsingarlógin verður hildin.”

Men tá tað kemur til at loyva løgregluni at loynilurta føroyingar, so hevur Dátueftirlitið ikki so nógv upp á hjarta.

 

Onga viðmerking

Dátueftirlitið hevði ongan viðmerking um, hvørjar avleiðingar nýggi avlurtingarpakkin, sum er fyri í løgtinginum í dag, kann fáa fyri persónligu verndina hjá borgaranum.

Stjórin í Dátueftirlitinum, Eyðhild Skaalum, vil ikki gera samrøðu við Kringvarp Føroya um, hví Dátueftirlitið, sum sigur seg hava sum missión at vegleiða og ráðgeva myndugleikum, ikki hevur vegleitt og ráðgivið myndugleikunum í hesum førinum.

Eyðhild Skaalum vísir á, at talan er um broytingar í rættargangslógini, sum ikki fevnir um økið hjá Dátueftirlitinum.

“Persónsupplýsingarlógin, sum er tann lógin, sum dátueftirlitið umsitur, fevnir ikki um danska myndugleikar í Føroyum," sigur Eyðhild Skaalum, stjóri í Dátueftirlitinum.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470