Atlantic Petroleum góðkent til keypsskálan í Oslo

Stjórnin í keypsskálanum í Oslo góðkendi í gjár, at partabrøv í Atlantic Petroleum verða skrásett á Oslo Børs.

Treytin er, at felagið fyrst hevur 200 partaeigarar skrásettar í norsku virðisbrævamiðstøðini VPS, Verdipapirsentralen i Norge.

Samstundis sum partabrøv í Atlantic Petroleum nú eisini kunnu seljast og keypast í norska keypsskálanum, hevur felagið lýst eina millión og 575.000 nýggj partabrøv til sølu.

Hetta skal geva felagnum 150 til 200 mió. kr. í nýggjum kapitali. Atlantic Petroleum hevur stórar ætlanir um at leita eftir olju í norska landgrunninum og heldur tað vera hóskandi at hækka kapitalin og skráseta felagið í Norra.