At missa søluna kann gerast dyggur smeitur

At missa søluna kann gerast dyggur smeitur
Vága floghavn fer sjálv at selja tollfrítt í Vágum, hóast sølan varð boðin út. Spurningurin er, hvussu tað fer at ávirka ferðaseðlaprísin
 
21.12.2013 - 17:16

Avgerðin hjá Vága floghavn at taka sær av tollfríu søluni, er ein fíggjarliga dyggur smeitur fyri Atlantsflog, og fólk stúra fyri, at tað fer at ávirka ferðaseðlaprísin. Tað er, um flogfelagið ikki tekur avgerðina sum eina avbjóðing, og fer at kappast við flogvøllin við at selja flogførunum sum fyrr.

Vága floghavn bjóðaði fyrr í ár tollfríu søluna í nýggju farstøðini út, men í gjár boðaði floghavnin frá, at floghavnin hevur tikið útbjóðingina aftur. Floghavnin fer sjálv at reka tollfríu sølubúðina í farstøðini, sum eftir ætlan skal verða liðug í summar.

Vil einki siga alment

Leiðslan í Atlantsflog vil einki siga alment um avgerðina. Flogfelagið er skrásett á keypsskálanum, og allar týðandi broytingar skulu um keypsskálan og íleggjararnar, áðrenn tær eru almannakunngjørdar, eru einastu boðini frá Atlantflogi higartil.

Tað framgongur ikki beinleiðis av roknskapinum, hvussu stórur partur av umsetninginum, tollfríu sigarettirnar, rúsdrekka, luktilsi og góðgæti er hjá flogfelagnum. Men sølan vaks í fjør, sambært seinastu ársfrágreiðingini hjá Atlantsflogi fyri 2012, har sagt verður, at tollfría sølan vaks við níggju prosentum.

Tað hevur ikki eydnast Kringvarpinum at fáa eina viðmerking frá Jørgen Holme, stjóra í Atlantsflogi.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470