Augustar í Sundalagnum

Í lýsingini í morgun vóru fólk varug við, at nakrir augustar lógu útfyri Hvalvíksoyruni.

Finnbogi Midjord, sýslumaður, sigur, at talan er um tríggjar ella fýra augustar.

Teir eru tætt í landi, men hann heldur ikki at nakar av teimum er fastur.

Ætlanin er at fáa rikið augustarnar aftur til havs.

Fyri nøkrum vikum síðani vóru eisini nakrir augustar í Sundalagnum.

Tveir av teimum rendu seg fastar, og teir stóðu ikki til at bjarga.

Annar av teimum deyðu varð sleipaður til havs, meðan hin varð flenasður á gomlu hvalastøðini við Áir.

Beinagrindin varð síðani søkt, og ætlanin er at seta hana upp á savninum sum skal gerast á gomlu hvalastøðini.