Rani í Billustovu eyðmerktur

Líkið, sum varð funnið í Rættargjógv í Oyndarfirði leygardagin, er av 20 ára gamla Rana í Billustovu, sum leitað hevur verið eftir, síðani ferðsluvanlukkuna í Oyndarfirði leygarmorgunin 28. desember.

Tað upplýsir løgreglan fyrrapartin. 

Líkið er endaliga eyðmerkt, og staðfest er, at talan er um Rana í Billustovu.

Leygardagin varð skipað fyri umfatandi leiting, sum sjálvboðin tóku stig til. Eini 400 fólk vóru við í leitingini, og seinnapartin leygardagin varð líkið funnið í Rættargjógv, har bilurin fór útav.