Tunnilsmálið: Jørgen bíðar eftir flokkunum

Jørgen Niclasen, landsstýrismaður í tunnilsmálum, bíðar eftir at frætta frá flokkunum, hvat teir halda um lógaruppskotið um partafelagið, sum skal gera og eiga Skálafjarðartunnilin og Sandoyartunnilin.

Allir flokkar fingu lógaruppskotið fyri jól, men teir fingu tó onga freist at svara, hvat teir halda um uppskotið, sigur Jørgen Niclasen. Tí er eingin fundur ásettur at leggja síðstu hond á tunnilsmálið, áðrenn tað fer í løgtingið.

15 milliónir

15 milliónir eru í fíggjarlógini fyri 2014 til nýggja tunnilsfelagið.

Sambært landsstýrismanninum metir Landsverk, at tær kjarnuboringar, sum eru eftir at gera, fara at kosta 15 mió. kr. Sambært lógaruppskotinum, sum er til hoyringar hjá flokkunum, skal stovnast eitt partafelag, har landið eigur meirilutan.