Jørgen hevur tíðindafund seinnapartin

Jørgen Niclasen er nú til reiðar at koma við sínari frágreiðing um tollmálið, sum byrjaði á Portal.fo tann 19.desember í fjør. 

Floksskrivari Fólkaflokins boðaði stutt fyri midnátt í gjárkvøldið frá, at Jørgen Niclasen og sakførari hansara, Christian Andreassen, hava tíðindafund í Miðlahúsinum seinnapartin í dag klokkan trý.

Christian Andreassen hevur eisini kært tíðindaflutningin hjá Kringvarpinum og Portal.fo um tollmálið.  Kringvarpið er kært til Kringvarpið, og Portal.fo kært er til Fjølmiðlakærunevndina.

Her er kæran um Kringvarpið: Viðv. tíðindaflutningi um Jørgen Niclasen, landsstýrismann í fíggjarmálum (PDF-skjal, letur upp í nýggjum kaga)

Kæran um Portal.fo kann lesast á Portal.fo, og vp.fo hevur hana eisini á sínari heimasíðu.