Løgreglan kannar mál um kynsliga misnýtslu í skúla

<p>Lærarin er skuldsettur fyri meira enn eina ferð at hava gjørt seg kynsliga inn á ein næming. Tað váttar Jón Klein Olsen, varapolitiinspektørur, fyri Kringvarpinum.</p>

<p>Málið um kynsliga misnýtslu varð meldað í desember mánað í fjør. Kynsligi ágangurin skal vera farin fram í 2008 og 2009, tá næmingurin var 12 ár.</p>

<p><strong>Skúlastjórin onga viðmerking</strong></p>

<p>Skúlastjórin hevur onga viðmerking til málið, og vísir til Mentamálaráðið. Tey vátta, at tey hava fingið eitt slíkt mál, men at tey skulu hava stundir at seta seg inn í málið.</p>

<p>Lærarin, sum er skuldsettur fyri at hava gjørt seg kynsliga inn á næmingin, er fyribils sjúkrameldaður, meðan málið verður kannað.</p>

<p>Kriminalløgreglan skal gera fleiri avhoyringar í málinum. Fyrningarfreistin fyri slík mál er 10 ár.</p>