Met nógvar umsóknir um granskingarstuðul

Tá freistin at søkja stuðul úr Granskingargrunninum var úti í gjár, vóru 48 umsóknir komnar. Tað er tað mesta nakrantíð.

Tað upplýsir ráðið á heimasíðuni.

Í fjør søktu 35 um granskingarstuðul.

Kvinnurnar hava betri hug at granska enn menninir.

Sambært Granskingarráðnum hava næstan tvær ferðir so nógvar kvinnur sum menn søkt um stuðul. 34 kvinnur og 14 menn standa sum verkætlanarleiðarar í umsóknunum.

Næstan helvtin av umsóknunum er til ph.d.-verkætlanir.

Hin helvtin er til aðrar styttri ella longri verkætlanir.

Granskingarráðið hevur 7 milliónir krónur at býta til bestu granskingarverkætlaninar í ár.