Vilja hava Strandferðsluna at sigla allar dagar

<p>Sirið Stenberg og Páll á Reynatúgvu mæla til í einum uppskoti til samtyktar, sum tey hava lagt fyri løgtingið, at Strandferðslan eisini skal sigla halgidagar.</p>

<p>Eftir uppskotinum skal løgtingið heita á landsstýrið, um at fyrireika og leggja fram lógaruppskot, sum skerpir sjóvegis flutningsskylduna hjá landinum.</p>

<p><strong>Peningur játtast til sigling halgidagar</strong></p>

<p>Sirið Stenberg og Páll á Reynatúgvu vísa á, at 85 prosent av fólkinum kunnu ferðast sum tey vilja. Tað kunnu 15 prosent av fólkinum ikki, tí tey eru tengd at strandfaraskipunum.</p>

<p>Tey mæla tískil til, at Strandferðslan fær hækkað játtanina, soleiðis at skipini eisini kunnu sigla halgidagarnar í árinum, og at samráðingar vera við fakfeløgini um tað.</p>

<p>Tað eru í løtuni tríggir dagar um árið, har skipini hjá Strandfaraskipum Landsins ikki sigla; Jóladag, Páskadag og Langafríggjadag.</p>