- Tíðindi, mentan og ítróttur
Íslendingar eru illa við
Íslendingar eru illa við
Íslendingar eru vónsviknir av, at ES, Norra og Føroyar hava skrivað undir avtalu, uttan at boða sær frá
12.03.2014 - 23:12
Íslendski uttanríkisráðharrin, Gunnar Bragi Sveinsson, segði í íslendska Altinginum í kvøld, at tað kemur púra óvart á seg, at makrelavtalan er undirskrivað. Tað skrivar mbl.is.
- Vit hava slakað nógv í okkara krøvum og mettu okkum vera samd við ES um eitt býti. Nú sita vit brádliga uttanfyri, og hini londini hava ikki boðað okkum frá, segði hann.
Íslendski uttanríkisráðharrin segði seg eisini vera vónsviknan av føroyingum.
- Eg skilji lítið av hesum. Eg skilji heldur ikki, at føroyingar hava tikið lut í hesum. Eg metti, at vit stóðu saman í hesum málinum, segði hann.
Gunnar Bragi Sveinsson upplýsti, at íslendska stjórnin fer at viðgera makrelmálið á stjórnarfundi í morgin.
Er kopiera
Nýggjastu sendingar í ÚV
Nýggjastu sendingar í SV
