Hjúnabandslógin til aðru viðgerð í dag

<p>Í hesum sambandi hevur áhugafelagsskapurin LGBT gjørt eina seinastu roynd á hesum sinni at ávirka tinglimir til at samtykkja uppskotini.</p>

<p>Hetta hava tey gjørt við at lata hvørjum einstøkum tinglimi eitt bræv, har tey siga seg vilja "mana nakrar ósannar mýtur um samkynd burtur".</p>

<p>Onnur viðgerð av málinum, sum Rigmor Dam úr Javnaðarflokkinum, Poul Michelsen úr Framsókn og Bjørt Samuelsen úr Tjóðveldi hava lagt fram saman verður sum sagt í dag.</p>

<p><strong>Meirlutin mælir tinginum frá at samtykkja uppskotini</strong></p>

<p>Tveir samgongutinglimir, Eivin Jacobsen úr Sambandsflokkinum og Brandur Sandoy úr Fólkaflokkinum, hava gjørt vart við sína ónøgd um framferðina hjá samgonguni í hesum málinum.</p>

<p>Samgongan hevur nevniliga gjørt eina avtalu um at atkvøða nei og sostatt ikki lata tinglimir atkvøða eftir egnari sannføring, sum siður annars hevur verið í sonevndu "etisku málunum".</p>

<p>Tað er hetta teir báðir samgongutinglimirnir mótmæla, men kortini fara teir at atkvøða saman við samgonguni - sum altso sigur nei til samkynt borgarligt hjúnalag.</p>