Havsbrún fingið nógvan fisk

Havsbrún miðar eftir at fáa eitt líka gott ár, sum í fjør, tá virkið tók ímóti 160.000 tonsum.

Christian í Grótinum er júst liðugur at landa, og Fagraberg liggur og bíðar eftir at sleppa framat at landa. Tað er svartkjaftur, sum Hasbrún hevur fingið frá føroysku skipunum, og harumframt hevur virkið fingið nakað av havgølti frá útlendskum skipum.

Havsbrún tók ímóti 160.000 tonsum í fjør. Tað var munandi betri enn í 2012, tá virkið bert fekk 47.000 tons av fiski.

- Tað árið var sera vánaligt, sigur stjórin, Odd Eliasen. Hann sigur seg vóna, at virkið í minsta lagi fær líka stóra nøgd í ár, sum virkið fekk í fjør.