Íslendsk kvota á veg

Íslendska makrelkvotan verður 147.000 tons í ár.  

Sigurður Ingi Jóhannsson, fiskimálaráðharri, fer at kunngera í hesari vikuni, hvussu stór makrelkvotan verður í ár. 

Morgunblaðið sigur seg tó vita, at kvotan verður 147.000 tons. Tað eru 16,5 prosent av teimum 890.000 tonsunum, sum ICES heldur vera ráðiligt at fiska í ár.

Ísland er ikki við í fimm ára semjuni, sum hini strandarlondini, teirra millum Føroyar, gjørdu. Men í fjør heyst samdust Ísland og ES um, at íslendski parturin av heildarkvotuni skuldi vera 11,9 prosent.   

Sambært semjuni millum strandarlondini ber til at fiska eina millión og 238.000 av makreli í ár.

193.000 tons eru sett av til Ísland og Russland.