Samráðingarnar halda fram í dag

Fríggjadagin longdu partarnir sáttmálarnar til á midnátt í kvøld.    

Samráðingarnar byrjaðu fyrst í apríl, tá feløgini løgdu fram krøv síni. 

Í síðstu viku varð samráðst uttan steðg til mikukvøldið. 1.mai vóru ongar samráðingar. Men samráðingarnar vórðu tiknar upp aftur fríggjamorgunin.  

Føroya Arbeiðsgevarafelag sigur, at sáttmálarnir við arbeiðara-feløgini eru teir fyrstu, sum skulu gerast í nýggja samráðingar-umfarinum hjá Arbeiðsgevarafelagnum. 

Úrslitið av hesum samráðingum er tí týdningarmikið fyri allar aðrar samráðingar, tí hesar samráðingarnar, sum nú eru, eru grundarlagið fyri øllum hinum. 

Partarnir hava longu gjørt avtalu um fráboðan um arbeiðssteðg. Verkfall ella verkbann skal fráboðast í minsta lagi 48 tímar frammanundan. 

Verður fráboðað fyri middag, verður roknað til á middegi, og verður fráboðað eftir middag, verður roknað til á midnáttt. Tí vera millum 48 og 60 tímar frá tí, at verkfall ella verkbann er fráboðað, til tað byrjar.

Enn er tó eingin slík fráboðan komin, og Semingsstovnurin er ikki boðsendur.