Kæra Johan Dahl til landsstýrismálanevndina

06.05.2014 - 15:47
AktueltPolitikkur
Kæra Johan Dahl til landsstýrismálanevndina
Andstøðuflokkarnir halda, at misálitisváttan eigur at verða reist móti landsstýrismanninum í vinnumálum fyri fíggjarliga óskilið á Strandferðsluni
 

Johan Dahl, landsstýrismaður í samferðslumálum, er nú kærdur til landsstýrismálanevndina fyri fíggjaróskilið á Strandfaraskipum Landsins.

Løgtingsgrannskoðararnir komu í síðstu viku við hvøssum atfinningum um fyrisitingina hjá Johan Dahl av Strandferðsluni, men hvørki landsstýrismaðurin sjálvur ella løgmaður vildu taka nakrar avleiðingar av lemjandi frágreiðingini.

- Løgtingsgrannskoðararnir eru ikki nakað dómsvald, segði Johan Dahl eitt nú við Dag og viku fríggjakvøldið um hetta.

Misálit

Men nú hevur øll andstøðan kært landsstýrismannin til landsstýrismálanevndina. Í kæruni siga andstøðuflokkarnir, at teir halda, at misálitisváttan eigur at verða reist móti Johan Dahl. Eftir at hava loddað dýpið millum samgonguflokkarnar bendir tó onki á, at ein misálitisváttan fer at verða samtykt í løtuni. Tí hava andstøðuflokkarnir í fyrsta umfari valt at kæra til Landsstýrismálanevndina.

Í kæruni vísa andstøðuflokkarnir til niðurstøðurnar hjá Løgtingsgrannskoðarunum, sum m.a. staðfesta, at “landsstýrismaðurin ikki kunnaði Løgtingið ella bað Løgtingið um eykajáttan, hóast hann var vitandi um, at játtanin til stovnin ikki fór at halda." 

Niðurstøður

Kæran heitir á Landsstýrismálanevndina um at gera niðurstøður um:

- Hvørt landsstýrismaðurin hevur fyrisitið á lógligan hátt.
- Hvørt landsstýrismaðurin hevur hildið stýrisskipanarlógina.
- Hvørt landsstýrismaðurin hevur hildið lóg um játtanarskipan landsins.
- Hvørt landsstýrismaðurin hevur hildið lóg um ábyrgd landsstýrisins.
- Hvørt landsstýrismaðurin annars hevur røkt tær skyldur sum áliggja honum í fyrisitingini av hesum málinum.

 

Er kopiera
Nýggjastu sendingar í ÚV
Leygardag 1. oktober
Jambalaja 011022
145624
Leygardag 1. oktober
Upp á tá - 011022
145616
Leygardag 1. oktober
Morgunlestur leygardagur 1.oktober 2022
145511
Fríggjadag 30. september
Heðin á pall við Makrel um vikuskiftið
145605
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956