Ymiskar veljarakanningar

Sambandsflokkurin missir níggju prosenstig og fýra tingfólk. Sambandsflokkurin missir 4,2 prosentstig og tvey tingfólk.

Tað siga tvær veljarakanningar.

Tað áhugaverda er, at tær eru gjørdar at kalla um somu tíð, fýra dagar eru ikki teir somu.

Men seks dagar spurdu báðar fyritøkurnar, sum gjørdu veljarakanningarnar, veljarar, hvønn tey høvdu valt, var løgtingsval júst tann dagin.

Kanningin, sum Gallup Føroyar gjørdi fyri ting.fo, varð gjørd frá 22. til 30.apríl. 510 fólk svaraðu.

Kanningin, sum Lóður gjørdi fyri Sjúrð Skaale, varð gjørd frá 24.apríl til 2.mai. 535 fólk svaraðu har.

Kanningin hjá Gallup Føroyum vakti ans, tí Sambandsflokkurin misti so nógv samanborið við løgtingsvalið í 2011.

Men aðrir sjónligir munir eru eisini.

Sambært Gallup Føroyum var undirtøkan hjá Tjóðveldi 4,7 prosenstig størri síðst í apríl í ár enn 29.oktober 2011.

Men sambært Lóðri var hon bara 2,5 prosentstig størri.

Eisini undirtøkan hjá Miðflokkinum er ymisk. Miðflokkurin hevur tveir tinglimir. Sambært Gallup Føroyum fær hann ein afturat. Sambært Lóðri missir hann ein.