Faroe Farming gott úrslit

Úrslitið hjá partafelagnum Faroe Farming batnaði munandi í fjør. Avlopið fyri skatt var umleið 33 milliónir krónur samanborið við eina lítla millión árið fyri, skrivar Vágaportalurin.

Leiðslan er nøgd við úrslitið, og hóast óvissa er um framtíðina, eru vórnirnar góðar, og halda forsagnirnar, verður úrslitið í ár væl betri enn í fjør, sigur leiðslan í ársfrágreiðingini.

Eginognin í Faroe Farming er 65,6 milliónir kr., og bókaða virðið á fiskinum er 100 milliónir. Ongin rentuberandi skuld er í felagnum.

Í meðal høvdu 70 fólk arbeiði hjá Faroe Farming í fjør.

Smápartafelagið Hjallur í Havn og partafelagið Havsbrún í Fuglafirði eiga Faroe Farming, sum aftur eigur triðingin av partafelagnum South Pelagic.