Gongd komin á arbeiðið

Samgongulimirnir, sum royna at gera eina nýggja fiskivinnuskipan at taka við tann 1.januar í 2018, tá galdandi veiðiloyvi fara úr gildi, høvdu fund í gjár. 

Jacob Vestergaard, landsstýrismaður í fiskivinnumálum, sigur, at fundurin var góður, men enn er ikki komið á mál, og fundur verður aftur týsdagin. 

Meira vil hann ikki um fundin í gjár. Men hann sigur, at nú er gongd komin á aftur arbeiðið at gera eina fiskivinnunýskipan.

Semja er tó ikki um alt enn, sigur hann. Hann veit heldur ikki í dag, um fiskivinnunýskipanin kemur í løgtingið á ólavsøku.