Grein 19 nevndin skipar seg fríggjadagin

Grein 19 nevndin, sum løgtingið valdi síðst í mai at kanna Eik Grunnin og eftirlitið við grunninum, fer at skipa seg fríggjadagin.

Nevndin hevur sín fyrsta fund fríggjamorgunin klokkan níggju.

Tríggir limir

Í nevndini eru Helgi Abrahamsen í Sambandsflokkinum, Joen Magnus Rasmussen í Fólkaflokkinum og Kristina Háfoss í Tjóðveldi.

Nevndin skal kanna virksemið hjá Eik Grunnininum frá 2002 til 2010 og eftirlitið við grunninum frá 2002 til mai í ár. Eftirlitið var í Danmark til 2008, tá tað varð yvirtikið. Frá 2008 hevði Skráseting Føroya eftirlitið við Eik Grunninum.