- Tíðindi, mentan og ítróttur
Ríkisfundur í Tinganesi mikudagin
Ríkisfundur í Tinganesi mikudagin
Helle Thorning-Schmidt, forsætisráðharri, og Aleqa Hammond, forkvinna í grønlendska landsstýrinum, koma til Føroya í dag
16.06.2014 - 08:32
Mikudagin verður ríkisfundur í Føroyum millum stjórnarleiðararnar í ríkisfelagsskapinum.
Kaj Leo Holm Johannesen, løgmaður, verður vertur fyri fundin. Helle Thorning-Schmidt, danskur forsætisráðharri, og Aleqa Hammond, forkvinna í grønlendska landsstýrinum, koma til Føroya við fylgi í kvøld.
Í morgin fer ferðalagið útferð til Mykines og Tindhólm. Og um kvøldið verður løgmaður vertur fyri døgurða.
Sjálvur ríkisfundurin verður mikudagin í Tinganesi. Stjórnarleiðararnir fara millum annað at umrøða samstarvið í ríkisfelagsskapinum, fiskivinnumál og Arktis.
Danska og grønlendska ferðalagið fara avstað aftur seinnapartin mikudagin.
Er kopiera
Nýggjastu sendingar í ÚV
Nýggjastu sendingar í SV
